TXAPELKETA

Duela urte batzuk ez zen txapelketarik jokatzen kontzejupean, apustu xelebreak eta halakoak bakarrik egiten ziren.

Andoainen euskal pilotak betidanik izan du bere lekua. Hala ere, azken urteetan indarra galdu du, futbola bezalako kirolak gailendu direlarik. Nahiz eta urtean zehar herriko haur eta gazteek kontzejupea jolasteko erabili, antolatzen den txapelketa bakarra herriko jai patronaletan, hau da, San Juanetan egiten dena da. Hau, Andoaingo pilota eskolak, Gazteleku pilota elkartea deiturikoak, eta udalak elkarlanean antolatutako ekimena da eta helburua, garai batean kontzejupeak eskaintzen zuen herri giroa berreskuratzea. Eta baita lortu ere. 2009.urtea izan zen antolatu zuten lehena eta ordutik, geroz eta jende gehiago animatzen da ikusi eta parte hartzera.

Pilotan federatuak direnei edo izandakoei dago zuzendua, eta bikoteka jokatzen dute nesken zein mutilen txapelketa.

•  Mutilen Txapeleta

16 pilotarik hartzen dute parte, 8 bikotek. San Juan jaietan finala jokatzen da, beraz kaleratze eta sailkapenak 2 hilabete lehenago hasten dira. Partidak 22 tantora izaten dira. Esan bezala 5 txapelketa jokatu dira orain arte eta horietatik 3 Jon Eskuderok irabazi ditu bere bikotekidearekin (urtero ezberdina).

• Nesken txapelketa

Nesken txapelketa ere duela 3-4 urte jarri zen martxan nesken pilota bultzatzeko asmoarekin. Lehengo urtean espektakulo gisa jokatu zuten kontzejupean, baina hurrengo urtetik aurrera txapelketan parte hartzen hasi ziren. Gaur egun  4 bikotek parte hartzen dute. Gaur egun ere, hainbat neska dira palan jokatzera animatzen direnak. Orain, Andoainen, neskentzako pala eskola bat eskatu dute.  Beraz, kontzejupean   pilotan jokatzen hasi ziren neskek pilotarako grin hori izatea lortu da.

2011. urteko finala ikusi nahi ezkero hemen duzue linka. Jon Eskudero, Andoni Alvarez   (urdinez) eta Jon Gaztañaga eta Aritz Eskudero (gorriz).

www.youtube.com/watch?v=9MN1fj6LhlY