PILOTALEKUKO ARAUAK

Andoaingo kontzejupean pilotan jokatzeko erabiltzen diren arauak oso sinpleak dira eta jokamolde guztietarako berdinak.  

Frontoian dauden zutabe eta izkina guztiak ona dira, beti ere pilotak botea kantxaren barruan egiten badu. Botea kanpoan ematen badu txarra izango da.

Sakea egiteko bi  marra daude: lehenengoa umeek ateratzekoa , lehenengo marratik atera eta hura pasatu behar dute eta bigarrena nagusiek ateratzeko, kasu honetan ere, 2.marratik 2.marrara atera beharko da. Sakerako arau hau jokamolde guztietan berdina da, nahiz eta txapelketa eskuz bakarrik egiten den eta gaur egun beste jokamoldetara ez den ia jolasten.

Sakean errebotea jotzen baldin badu boterik eman gabe falta izango da, baina pareta, erdi batean bakarrik dago beraz, hortik kanpo botea egiten badu falta izango da ere.

Sakea egiterakoan frontisa ikutu aurretik edo ondoren, pilotalekuaren gainontzeko elementuak jo ditzake pilotak betiere sakearen nondik norakoa errespetatuz.

Frontoiaren berezitasun nagusia beraz, ez da duen araudia, baizik eta espazioa; ateko sarraila,atea eta zutabeak.