JOKO EKINTZA

SAKATZAILEA

Sakea beti aurrelariak egiten du eta errestokoen posizioa irudian ikusten dena izaten da.

SAKE ERRESTOAN KOKAPENA

Errestoa egingo dutenetako bat, airez erantzuteko prest egongo da (aurrenekoa) eta bestea bote ondorengo errestoa egiteko prest egongo da bai zabalera edo txokora badoa pilota. Gehienetan sakea erreboteko paretara botatzen da horrek zailtzen baitu errestoa gehien.

KOLPEAK

Instalazioa ez denez oso altua, ohiko kolpeak gerritik beherakoak eta albokoak dira, goikoak ia erabiltzen ez direlarik. Gehienetan pilotari punparen ondoren ematen diote, frontoi motza izan arren, pilota gozoa denez, ez delako asko ateratzen edo urrutira joaten.

JOKALDI BEREZIAK

• Horma bikoak

Frontoiaren ezaugarrietan aipatu bezala, bi horma-biko dauzka frontoiak:

Ezker paretak eta frontisak egiten dutena

Eskuin paretako zati txikiak frontisarekin egiten duena

Baina bietan ohikoena ezker pareta erabilitako horma bikoa egitea da, ondo eginez gero tanto ia segurua baita, botea kantxan eman ondoren kanpora aterako baita pilota lehen arkutik pasaz. Pilota eramateko gakoa, bigarren arkuaren atzetik kanpora joan eta bertatik errestatzea da bideoan ikusiko den bezala.

• Hiru hormakoak

Hainbat aukera daude jokaldi hau egiteko:

Ezker horma, frontisa eta eskuineko horma edo zutabea: Bi pareta egiteko asmoarekin egiten du jokaldia pilotariak baina zutabean ematean norabidea guztiz aldatzen du, aurkaria galduta utziz.

Eskuin horma edo zutabea, frontisa eta ezker horma: defentsa jokaldi moduan erabiltzen da frontisera zuzenean pilota bideratzeko zailtasunak ditugunean, zutabea edo eskuin horma bilatzen da.

• Errebotea

Pilota errebotera bideratzen bada, punpa kantxa barruan eman beharko du lehenengo.

Pilotari gogor emanda errebotera bideratzean bi gauza gerta daitezke:

Erreboteko pareta ukitu baino lehen ematea pilotari. Kasu honetan pilotariak ezingo du besoa ongi luzatu eta kolpea ez da erosoa izango

Erreboteko pareta ukitu ondoren ematea pilotari. Pilota eramateak zailtasun handiagoa edukiko du, errebotearen ondoren ezingo duelako berriz punparik egin.

• Zutabera eta gero frontisera

Ez da ezker horma eta gero frontisera bideratzea bezain ohikoa, baina erabiltzen da. Jokaldi honek duen arriskua da ez baduzu ongi kalkulatzen kanpora joan daitekeela pilota.

• Sabaia

Pilotak sabaian jo dezake frontisa ukitu aurretik edo ondoren.

Pilotak sabaian jotzean, abiadura galtzen du eta honela, pilota frontisetik gertuago geratzea lortzen da.

• Zutabera bideratu pilota

Frontisaren ondoren eskuin aldean dauden zutabeetara pilota bideratzean Zutabea jo aurretik eraman nahi bada pilota besoa ongi luzatu gabe egingo da eta beraz ez da erosoa izango eramatea. Aldiz zutabea eman ondoren ematen bada, zutabean egon daitezken koskek pilotari norabidea alda diezaiokete.

Udaletxea zabalik dagoen orduetan, ezker horman dagoen atea irekita egoten da eta beraz, pilotak hemen emanda, norabidea guztiz aldatuko dio.

Hemen dituzue ohiko jokaldiak

http://www.youtube.com/watch?v=YTiqsII61o8